Жолаушы есірткі саудагерлері қамауға алынды

Индер аудандық соты есірткі саудагерлерін 2 ай қамауға алуға санкция берді.

Қызылорда облысының екі тұрғыны ҚР ҚК-нің 297-бабында қарастырылған қылмысты жасады деп күдіктелуде. Индер аудандық сотының баспасөз қызметінің мәліметтері бойынша, жүргізілген сараптама нәтижелері тәркіленген есірткілік зат кептірілген марихуана екендігін көрсетті. Тәркіленген заттың жалпы салмағы 5,5 келідей құрады. Бұдан басқа, тергеушілердің пікірінше, күдіктілерден есірткіні сатудан түскен 1,2 млн теңге тәркіленді.

Сот қаулысымен 2 айға «қамауда ұстау» түрінде бұлтартпау шарасына санкция берілді.

Зульфия БАЙНЕКЕЕВА