Облыстың су қоймаларында өткен тәуліктерде тағы екі қайғылы оқиға орын алды.
24 маусымда сағат 19-да Индербор поселкесінде Жайық өзені арқылы өтетін көпір маңында шомылып жүрген 12 жастағы бала суға батып кетті. Ол ағаш түбірімен жүзіп жүргенде, ол аударылып кетіп, бала су астына кетеді. Сүңгуірлер іздестіруде.
25 маусымда сағат 19-да қала маңындағы Геолог поселкесінің маңында Маңғыстау облысының Опорный станциясының 46 жастағы тұрғыны суға кетіп қалды. Ол балық аулап жүргенде, қармағы ілініп қалады. Оны ілінген жерден алып тастамақ болып, жүзіп барған ер адамды ағыс алып кетеді. Сүңгуірлер денені бір сағаттан соң судан шығарды.
Мұрат СҰЛТАНҒАЛИЕВ