"Көлеңкелі" отын

12 сәуірде Мақат - Доссор трассасында ІІД ҰҚКБ қызметкерлері Мақат АІІБ қызметкерлерімен бірге КамАЗ көлігін тексеру кезінде цистерналардан ілеспе құжаттарсыз 9,4 тонна дизель отыны мен 7 тонна АИ-80 бензинін анықтады.

Маңғыстау облысының 62 жастағы жүргізушісінің айтуынша, ол мұнай өнімдерін Ақтаудан сатып алып, Оралға сатуға апара жатқан.

Келесі күні Орал трассасында «ГАЗ-3308» көлігін тексеру кезінде ҰҚКБ мен мемлекеттік кірістер департаментінің қызметкерлері ілеспе құжаттары жоқ 1800 литр болатын дизель отыны құйылған 2 ыдысты анықтады.

ІІД баспасөз қызметі хабарлағандай, екі фактіге байланысты ҚР ҚК-нің 197-бабы ("Шығарылуының заңдылығын растайтын құжаттарсыз мұнай өнімдерін айналдыру")бойынша сотқа дейінгі тергеу ісі басталды.

Зульфия ИСКАЛИЕВА