​Мал базары көшіріледі

Ескі әуежай аумағында орналасқан «Тума» мал базарын қаладан тыс жерге көшіру жоспарланып отыр.

Оның көшірілу себебін қала әкімінің орынбасары Әділбек ЗАЙДУЛЛИН былай деп түсіндірді:

- Қала ішіндегі автокөлік тығындарын азайтып, қаламыздың келбетін әрі қарай көріктендіру мақсатында, сонымен қатар, мал базарының орталықта орналасуы санитарлық-эпидемиялық нормативтерге сәйкес келмеуіне байланысты оны қала сыртына көшіру қажеттігі туындады.

Жаңа мал базары құрылысы үшін жер телімдері жеке кәсіпкерлерге Атырау-Астрахан және Атырау-Доссор автотрассалары бойынан бөлінген. 2015-2016 жылдары құрылыс жобалары дайындалып, сараптамадан өткеннен кейін салуға рұқсат етіледі.

Айнұр САПАРОВА