АҚШ-та ғалымдар адамға жұққан иммун тапшылығының синдромы мен венерологиялық ауруларды 15 минутта анықтайтын құрылғы ойлап тапты.
Оны тексеру үшін қолдың саусағынан бір-екі тамшы қан алынады. Жаңа электронды гаджетте бір рет пайдаланылатын электронды сараптама мен реагенттері бар арнайы пластик касcеталар орналасқан. Егер қанда қауіпті вирустың микроағзалары болса, бұл ақпарат лезде ұялы телефонға жіберіледі. Бірнеше сынақтан кейін бұл құрылғы ақпаратты 97%-ға дәл беретіні анықталды. Ал оның құны небәрі 34 доллар ғана. Ғалымдар гаджетті жуырда сатылымға шығаруды көздеп отыр.
Дереккөз: 24.kz