Іссапар шығыны өтелуге міндетті

– Мен мемлекеттік мекемеде жұмыс істеймін. 2010 жылы қазан мен қарашада бес мәрте өз есебіммен қызметтік іссапарға шығып келген едім. Содан бері қарай маған іссапар шығындары төленген жоқ. Бас есепші 2010 жылдың 31 желтоқсанында жылдық есепті жапқанын айтып, маған ақшаны қайтаруға мүмкіндік жоқ екендігін түсіндірді. Не істеуге болады?

Телефон арқылы

Облыстық бақылау және халықты әлеуметтік қорғау департаментінің еңбек қатынастарын бақылау бөлімінің бастығы Әліпқали ДӘУЛЕТЬЯРОВТЫҢайтуынша, мекеменің есеп бөлімі ҚР Еңбек кодексінің «Іссапарларға жіберілетін қызметкерлер үшін кепілдіктер мен өтемақы төлемдері» деп аталатын152-бабының нормаларын бұзып отыр. Өз қалтасынан қаржы жұмсаған адамның шығынын мекеме өтеуге міндетті.