Атырауда ауа-райының өзгеруіне байланысты жол-көлік оқиғасы көбейді. Мәселен, 14 қаңтарда, таңертеңгі сағат 8-де «Toyota Camry» маркалы автокөлігінің 37 жастағы жүргізушісі Самал мөлтек ауданы, Әубәкіров көшесінде орналасқан электр бағанасына соқтығысқан.
Тағы бір оқиға: сағат 10 шамасында Құнанбаев көшесі "Ландыш" аялдамасында “Daewoo” маркалы жолаушылар автобусы «Ваз 2114» маркалы көлікгіне соқтығысып қалды.
Осындай қолайсыз ауа-райына байланысты патрульдік полиция қызметкерлері барлық жүргізушілерге жолда барынша сақтық танытып, қауіпсіз арақашықтықты сақтап, жылдамдықты төмендету керектігін ескертеді.
Айнұр САПАРОВА
Суретті ПД жолдады