Атырау, 29 наурыз 20:52
 ашықВ Атырау +1
$ 448.15
€ 483.46
₽ 4.86

Шымкентте бірінші сынып оқушысын сабақ үстінде ұрған әйел видеоға түсіп қалды

1 322 просмотра

Шымкентте егде жастағы әйел мектепте бірінші сынып оқушысының бетінен ұрған. Ол енді баланы ұрып-соққаны үшін сотта жауап береді, - деп хабарлайды Tengrinews.kz тілшісі Otyrar.kz басылымына сілтеме жасап.

Оқиға биыл тамызда болған, бұл кезде оқушылар дайындық сабақтарын өтіп жатқан. Бірінші сынып оқушылары жанжалдасып қалған, олардың бірі әжесіне шағымданған. Әжесі кабинетке кіріп, балаға айғайлып, кейін бетінен ұрған. Оқиға бейнебақылау камерасына түсіп қалған. Мектеп директорының айтуынша, оқушы әжейді тоқтатып үлгермепті.

"Баланың бетінде із қалды. Әйелдің қолында сақинасын болғаннан деп ойлаймын", - дейді "Жас Дарын-2" мектебінің директоры Пернебай Беделов.

Баланың ата-анасы полицияға арыз жазған, ал кейін бала басқа мектепке ауысып кетіпті.

Оқиғадан кейін екі ай уақыт өтіп, әйел әлі күнге жазаланбаған. Полиция департаменті өкілдері екі айлық тергеуден кейін іс сотқа жеткенін хабарлап отыр. Әйелдің ісі "Ұрып-соғу" бабы бойынша тергеліп жатыр. Оған 30 мың теңге шамасында айыппұл салынуы немесе 10 тәулікке қамалуы мүмкін.

14 қазан 2021, 12:19

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.