Атырауда үйде құрамында есірткісі бар өсімдіктерді өсіру зертханасын ұйымдастырғаны үшін үкім шығарылды.
Полиция қызметкерлері қаладағы құрылыс фирмаларының бірінің бұрын сотталған 50 жастағы қызметкерін ұстады. Жатын бөлмесіне ол шағын жылыжай жабдықтаған: шатыр, жылытатын шам, ауа сорғыш орнатып, қарасора өсіре бастаған. Тінту кезінде осы өсімдік өскен бірнеше құмыра табылды. «Агроном» өсімдікті сату үшін емес, тек өзі үшін өсіріп жатқанын мәлімдеді.
Атырау қаласының №2 соты «АЖ»-ға хабарлағандай, оның 30 мың теңгеге интернет арқылы қарасора тұқымына тапсырыс беріп, сатып алғаны анықталды. Кейін ол сөзінен танбай, процессуалдық келісім жасасып, іс келісімге келу тәртібімен қаралды.
Нәтижесінде сотталушы Қылмыстық кодекстің 300-бабының 1-тармағы («Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру») бойынша кінәлі деп танылып, бір жылға бас бостандығын шектеу жазасын алды. Үкім заңды күшіне енді.
Лев ГУЗИКОВ