Атырау облысында қарлы боранға байланысты көлік жолдары жабылды

Атырау облысының полиция департаменті республикалық және облыстық маңызы бар көлік жолдарының жабылғандығын хабарлады.

"Атырау өңіріндегі қарлы-боран салдарынан орын алған ауа райының қолайсыздығына байланысты жол қауіпсіздігін сақтау және жол-көлік оқиғаларының алдын алу мақсатында "ҚазАвтоЖол ҰК" АҚ-ның шешіміне сәйкес 22 ақпан сағат 21:00-дан бері республикалық маңызы бар Атырау-Орал, Атырау-Доссор-Құлсары-Бейнеу және облыстық маңызы бар Атырау-Индер-Қарабау-Миялы-Сағыз тас жолындағы қозғалысы уақытша тоқтатылды".