Атырау, 28 наурыз 23:28
 бұлттыВ Атырау +4
$ 449.58
€ 486.94
₽ 4.86

Мәжіліс БАҚ туралы заңға өзгерісті алғашқы оқылымда мақұлдады

2 404 просмотра

Қазақстан парламенті мәжілісінде БАҚ туралы заңға өзгерістер енгізу жөніндегі заң жобасын талқылауда отырған журналистер. Астана, 8 қараша 2017 жыл.

Парламент мәжілісі сәрсенбіде Қазақстанның кейбір заңнамалық актілеріне ақпарат және коммуникациялар мәселелері бойынша өзгерістер мен толықтырулар енгізу туралы заң жобасын талқылап, алғашқы оқылымда мақұлдады деп хабарлайды Азаттық тілшісі. Заң жобасын ақпарат және коммуникация министрі Дәурен Абаев таныстырды.

Құжатты талқылау кезінде депутаттар Дәурен Абаевқа кейбір даулы өзгерістер мен түзетулерге қатысты сауалдарын қойды. Депутат Мұхтар Ермен жобада жеке немесе заңды тұлға мен БАҚ арасындағы дауды реттеуде БАҚ саласында қызмет ететін қоғамдық ұйымдардың мәмілегер болуы қарастырылған ба деген тұрғыда сұрақ қойды. Министр Абаев жеке азаматтар немесе заңды тұлғалар мен БАҚ арасындағы дауды тараптар сотқа жеткізбей реттеуіне де, медиатор арқылы шешуіне де болатыны және БАҚ саласындағы кез-келген қоғамдық ұйымның медиатор қызметін атқара алатынын айтты.

Бұған қоса депутаттар мемлекеттік органдардың журналистердің сауалына жауап беру мерзімін ұсынылып отырған 15 күннен азайту қажеттігін де айтты. Депутаттардың сөзінше, 15 күннен кейін алынған ақпараттың маңыздылығы жойылып, ескіріп кетеді. Абаев бұған қатысты "әлемдік тәжірибеде мемлекеттік органдар ақпаратты 20 күн, тіпті бір ай шегінде де береді" деген уәж келтіріп, мұнда алаңдайтын ештеңе жоғын айтты. Ол ақпарат беру мерзімін 15 күннен азайтуды дегенмен жұмысшы тобында талқылауға дайын екенін жеткізді.

Дереккөз: Азаттық

8 қараша 2017, 15:22

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.