Атырау, 29 наурыз 20:50
 ашықВ Атырау +1
$ 448.15
€ 483.46
₽ 4.86

​Энергетика және ТКШ басқармасы бәсекелестікке мән бермеді

3 453 просмотра

Атырау облысының энергетика және тұрғын үй-коммуналдық шаруашылығы басқармасына мемлекеттік сатып алуға байланысты заңды бұзғаны туралы хабарлама жіберілді.

Бәсекелестікті қорғау және дамыту департаменті мемлекеттік сатып алу порталына мониторинг жүргізіп, ҚР Кәсіпкерлік кодексінің 194-бабының 1-тармағында ("Жергілікті атқарушы органдардың бәсекелестiктi шектеуге немесе жоюға алып келген әрекеттерi") көзделген энергетика және ТКШ басқармасының іс-әрекеттерінде құқық бұзушылық анықтады.

Бұл жерде әңгіме 2020 жылы басқарманың «Атырау облысы аумағында газ тарату құбырлары мен құрылыстарына техникалық қызмет көрсету» қызметін бір көзден - "Интергаз Орталық Азия" АҚ-дан сатып алғаны туралы болып отыр. «Сонымен қатар, газ тарату құбырлары бойынша қызметтерді жүзеге асыру бәсекелестік ортада бар», - деп хабарлады Бәсекелестікті қорғау және дамыту департаментінің баспасөз қызметі. Яғни, басқарма тендер жариялауы керек еді.

Кәсіпкерлік кодексінің 199-бабына сәйкес басқарманың атына бәсекелестікті қорғау саласындағы заңнаманың бұзылғаны туралы хабарлама берілді, ол алған күннен бастап күнтізбелік 30 күн ішінде орындалуы тиіс. 

Дайындаған Нұргүл ХАЙРУЛЛИНА

13 сәуір 2021, 11:02

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.