Азық-түлік дүкені дәріханаға «көмектеспек» болған

15 шілдеде Атырау қаласы әкімдігінің мобильді тобы әкім орынбасары Самат ЕМБЕРГЕННІҢ бастауымен Сәтпаев даңғылы мен Құлманов көшесіндегі, Жұлдыз және Химпоселок ықшамаудандарындағы дәріханаларға рейд жүргізді, деп хабарлайды қала әкімдігінің баспасөз қызметі. Дәрі-дәрмектердің бағасын көтеріп сату бойынша 10 дерек анықталды.

Бұдан басқа, мобильді топ азық-түлік дүкендерінің бірінде тамақпен бірге дәрі-дәрмектің сатылғанын анықтады. Барлық материалдар экономикалық тергеу департаментіне жолданды. Бұл бағытта жұмыстар жалғасуда.

Атырау әкімдігі дәрі-дәрмектердің бағасын көтеру деректері бойынша 8 (7122) 27-10-28 «қауырт желі» телефонына және whatsapp-тағы +7 702 519 45 29 нөміріне хабарласу керектігін еске салады.

- Бүгінде «қауырт желіге» түскен төрт шағымның үшеуі расталды, материалдар шара қолдану үшін тиісті органдарға жолданды, - деді С. Емберген.

Дайындаған Айнұр САПАРОВА