АҚШ қаласында 2021 жылғы наурызға дейін қоғамдық шара өткізуге тыйым салынды

471 рет қаралды

Пенсильвания штатындағы Филадельфия қаласының билігі 2021 жылғы 28 ақпанға дейін көпшілік жиналатын шара өткізуге тыйым салды. Бұл туралы қала мэрі Джим Кенни мәлімдеді, - деп хабарлайды РИА Новости

"Қоғамдық денсаулық сақтау саласындағы ауыр жағдайға байланысты 2021 жылғы 28 ақпанға дейін қоғамдық ірі шараларды өткізуге тыйым салатынымызды растаймын. Мұндай шешім шығару оңай болмады. Алайда қала тұрғындарының, жұмысшылар мен туристердің денсаулығы және қауіпсіздігі біз үшін бірінші кезекте маңызды болуы тиіс", - деді мэр.

Джим Кенни 50-ден астам адам қатысатын шаралар, оның ішінде фестиваль, парад, концерт, карнавал, жәрмеңке және ескі заттарды сататын базарларға тыйым салынатынын атап өтті.

Бұл шара саяси шеру, таза ауада және жеке территорияда 25 адамға дейін спорт жаттығуын жасауға кедергі болмайды. 

Джонс Хопкинс университетінің деректеріне сүйенсек, АҚШ-та 3,4 миллион адам коронавирус жұқтырған. 136 мыңнан астам науқас қайтыс болған.


15 шілде, 14:09

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.