СІМ Қазақстандағы "белгісіз пневмония" туралы хабарламаға түсінік берді

598 рет қаралды
© Тұрар Қазанғапов

Қытай елшілігі Қазақстандағы "белгісіз пневмонияға" қатысты ақпаратқа елдің денсаулық сақтау министрі Алексей Цоймен сөйлескеннен соң өзгеріс енгізді. Бұл туралы сыртқы істер министрінің орынбасары Ержан Ашықбаев айтты, - деп хабарлайды Tengrinews.kz.

"Біз серіктестерімізбен, оның ішінде, Қазақстандағы Қытай елшілігімен жұмыс істейміз. Бұл жаңалық шыққаннан кейін дереу жаңа денсаулық сақтау министрі (Алексей Цой) телефон арқылы әңгімелесті. Әңгіме барысында мәселе шешілді. Бұл статистиканың қалай жүргізілетіні жөнінде қажетті түсініктемелер берілді", - деді Ашықбаев ОКҚ брифингінде.

Оның айтуынша, нәтижесінде екі тарап та - Қазақстан да, Қытай да эпидемияға қарсы қызметті объективті ақпарат берудің маңызын және "Қазақстандағы пневмония туралы ақпаратты еркін интерпретациялауға жол бермеу" керегін атап өтті. 

"Қытай елшілігі азаматтары арасында таратқан ақпаратқа өзгеріс енгізетіні шешілді", - деді Ашықбаев. 

15 шілде, 12:40

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.