Теңіздегі пышақтасу

Әлеуметтік желіде Теңіз кенішіндегі жатақханалардың бірінде (шамамен кэмп Браун) түсірілген фото және аудиожазба таратылуда. Онда бөлмедегі қан іздері көрсетіліп, аудиожазбада жұмысшылардың бірі (жүргізуші) екіншісін пышақтап, кейін өз-өзіне қол жұмсағаны айтылады. «Адамдар наурыз айынан бері осы жерден шықпастан жүр, моральдық жағынан қиын», - делінген пікірлердің бірінде.

«АЖ» сауалына ТШО-ның баспасөз қызметі 4 шілде күні мердігер ұйымның қазақстандық екі қызметкері арасында тұрмыстық негіздегі жанжал болып, содан екеуі де зардап шеккен деп жауап берді. Екеуі де ТШО-ның клиникасына жатқызылды, қазір олардың өміріне қауіп төніп тұрған жоқ. Болған оқиға туралы полиция хабардар болды.

Ал Полиция департаментінде аталған факті бойынша сотқа дейінгі тергеу жүргізіліп жатқанын айтты.

Нұргүл ХАЙРУЛЛИНА