ТКШ бөліміндегі жемқорлық

Атырау облысының Сыбайлас жемқорлыққа қарсы қызметі Махамбет аудандық ТКШ, жолаушылар тасымалы және автомобиль жолдары бөлімінің басшылығына қатысты ҚР ҚК-нің 366-бабы («Пара алу») бойынша сотқа дейінгі тергеу жұмысын бастады.

Жемқорлыққа қарсы қызметкерлер кәсіпкерлерден мемлекеттік сатып алу туралы, соның ішінде, Махамбет ауданы тұрғындарын ауыз сумен қамтамасыз ету туралы келісімшарттар жасағаны және орындалған жұмыс актілеріне қол қойғаны үшін пара алу фактілерін анықтады.

- Қазіргі кезде аталған іс бойынша тергеу амалдары жүргізілуде, ҚР Қылмыстық іс жүргізу кодексінің 201-бабының 1-тармағына сәйкес, басқа ақпарат жария етілмейді, - деп хабарлады Сыбайлас жемқорлыққа қарсы қызмет.

Айнұр САПАРОВА

Сыбайлас жемқорлыққа қарсы қызметі ұсынған бейнежазба