Атырау, 29 наурыз 16:32
 ашықВ Атырау +4
$ 448.15
€ 483.46
₽ 4.86

Әкімдікте де, денсаулық сақтау саласында да ұрлық бар

3 616 просмотра

Жыл басынан бері Атырау облысында сыбайлас жемқорлық қылмыстары арқылы мемлекетке тигізілген зиян 1,1 млрд теңге болды. Бұл соманың 98% қайтарылды. Бұл туралы брифингте Атырау облысының сыбайлас жемқорлыққа қарсы қызмет басшысының міндетін атқарушы Қанат ҚОЖАХМЕТОВ мәлімдеді.

Сыбайлас жемқорлық үшін қылмыстық жауапкершілікке 27 адам тартылды, оның ішінде 7-еуі мемлекеттік органдардың бірінші басшылары – 5-еуі облыстық және 2-еуі аудандық деңгейдегі басшылар. Атқарушы билік органдарында 32 қылмыс, денсаулық сақтау саласында - 17, мемлекеттік бағдарламаларда - 8, әлеуметтік бағдарламаларда - 9, құрылыс саласында - 5 қылмыс анықталды.

- Жедел-іздестіру шараларының нәтижесі бойынша, келісімшарт жасағаны үшін пара алу фактісі бойынша ҚР ІІМ ҚАЖК-нің «Еңбек-Атырау» филиалының басшысына және басқа тұлғаларға қатысты ҚР ҚК-нің 366-бабы 3-тармағының 2,4-тармақтары (Адамдар тобының алдын ала сөз байласуымен бірнеше рет пара алу) бойынша сотқа дейінгі тергеу басталды, - деп хабарлады Қ.Қожахметов.

Сондай-ақ, ол сыбайлас жемқорлыққа қарсы қызметтің 1424 Call-орталығы бар екенін еске салды.

Жыл басынан бері біздің өңірімізде 8 адам сыбайлас жемқорлық фактісі туралы хабарлағаны үшін жалпы сомасы 700 мың теңгеден астам сыйақы алды. Сыйақы айыптау үкімі шығарылғаннан кейін төленеді.

Зульфия ИСКАЛИЕВА

4 маусым 2020, 17:29

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.