Атырау, 28 наурыз 16:57
 бұлыңғыр боладыВ Атырау +4
$ 449.58
€ 486.94
₽ 4.86

Қызылордада әкесі мен баласын автобус қағып кетті

2 409 просмотра


Қызылордада автобус жүргізушісі ер адам мен жасөспірімді қағып кеткен, бұл оқиға видеоға түсіп қалған, - деп хабарлайды Tengrinews.kz тілшісі өңірдің Полиция департаментіне сілтеме жасап.  

Автобус орташа жылдамдықпен қозғалған. Осы кезде жолға кішкентай бала жүгіріп шығады, оның артынан құтқаруға әкесі жүгіріп шығады. Алайда автобус оларды қағып кетеді.  

Оқиға 17 қазанда сағат 12:30 шамасында Қызылорда қаласы Абай даңғылы мен Ыбырай Алтынсарин көшесінің қиылысы маңында болған. 4 жасар бала көшенің белгіленбеген жерінен жүгіріп шығып, артынан оның әкесі шыққан сәтте оларды қоғамдық көлік қағып кеткен. Алған жарақат салдарынан баланың әкесі қайтыс болып, 4 жастағы бүлдіршін облыстық балалар ауруханасының жансақтау бөліміне жеткізілді. Автокөлік жүргізушісі оқиға орнында анықталды. Сараптамалар тағайындалды. Аталған дерек бойынша Қазақстан Республикасы Қылмыстық Кодексінің 345-бабының 3-бөлігімен (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы, абайсызда адам өліміне әкеп соққан іс-әрекет) тергеп-тексеру амалдары жүргізіліп жатыр. Оқиғаның мəн-жайлары анықталып жатыр. 

Департамент мәліметінше, Қазақстан Республикасы Қылмыстық-процестік Кодексінің 201-бабының талаптарына сәйкес, сотқа дейінгі тергеп-тексерудің басқа деректері жария етілуге жатпайды.

Дереккөз: Tengrinews.kz

18 қазан 2019, 10:15

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.