Атырау облысының журналистика ардагерлері, БАҚ қызметкерлері және баспасөз қызметтері өкілдерінің назарына!

Сіздердің назарларыңызға бұдан бұрын 2017 жылдың 28 маусымында кәсіби мерекеміз – Байланыс және ақпарат қызметкерлері күніне арналған Шаралар бағдарламасы ұсынылған еді. Бағдарламаға сәйкес кәсіби байқаулар мен спорт шаралары өтті. Сәрсенбі күні, 28 маусымда Дина Нұрпейісова атындағы Мәдениет сарайында сағат 15.00-де басталатын жалпы жиналыста барлық номинациялар бойынша жеңімпаздар марапатталады.

Күн тәртібінде медальдар мен «Қазақстанның құрметті журналисі» атағының куәліктері табыс етіліп, ҚР ЖО облыстық филиалы кеңесінің және тексеру комиссиясының мүшелерін сайлау мәселелері қаралады. Бүкіл әріптестерімізді осы жиналыстың жұмысына белсенді түрде қатысуға шақырамыз (соңында фуршет болады).

Қосымша ақпарат алу үшін 32-40-63 телефонына, Азаттық даңғылы, 48, «Премьер-Атырау» бизнес орталығының ғимараты, 4-қабат, 404-кабинетке хабарласыңыз. 

Атырау облысы бойынша Қазақстан Журналистер одағының өкілі Алма Қалусариева