Атырау, 20 маусым 06:59
Таңертең ашық+25, күндіз +25
ҚР Ұлттық банкінің валюта бағамы: $ 339.95  € 392.64  P 5.30

Барлық дәйексөздер

13 маусым

ҚР Президенті Нұрсұлтан НАЗАРБАЕВ:

- Бізге төртінші мұнай өңдеу зауыты керек деп әрдайым айтып жүрмін... Бұған 50% олар, 50% біз кіреміз деп келістік. Жоба 2 миллиардқа жуық АҚШ долларына бағаланған. Кім Қазақстанда осындай инвестиция салады?

(Қытаймен ынтымақтастық жоспарлары туралы айтылған)



6 маусым

Атырау облыстық қоғамдық денсаулық сақтау департаменті басшысының орынбасары Ерболат УАЙСОВ:

- Жалпы, менингококк - классикалық балалар инфекциясы... мұрын қуысында өмір сүреді және ауа-тамшы арқылы тасымалданады, бірақ ол өте «нәзік», адам ағзасынан тыс жерде 30 минут ішінде өледі. Өзі ауырмайтын адам да инфекция тасымалдаушы болуы мүмкін.

(Кеңесте айтылды) 



30 мамыр

Атырау облыстық экология департаментінің басшысы Қабижан ҚАПАНОВ:

- АМӨЗ-дің ауаны ластайтыны айқын болса да, оларды ұстау оңай емес... Зауыттағы тексеру нәтижелері бойынша біз АМӨЗ басшылығына шығарындыларды азайту үшін қайда және қандай жабдықты орналастыру керектігі туралы ұсынымдар жолдадық. Олар орындамады, енді сот шешімін күтеміз.

(Брифингте айтылды)



23 мамыр

Атырау облысы әкімі Нұрлан НОҒАЕВ:

- Оқудан (Мәскеу институтынан) шығарып жіберіп, үйге оралсам, адамдар «Асқардың ұлы оқи алмай, қайтып келіпті» деп айта ма деп қорықтым.

(АМжГУ студенттерімен кездесуде айтылды)



16 мамыр

Атырау облысы бойынша өкіл имам Батыржан қажы МАНСҰРОВ:

- Намазға әлі жығылмаған адамның ораза ұстауына болады. Өйткені ораза өзінше бір - парыз, ал намаз бөлек парыз. Тұтқан оразасының сауабын алады.

(Баспасөз конференциясында айтылды)



9 мамыр

ҚР Ұлттық банкінің төрағасы Данияр АКИШЕВ:

- Бірыңғай жинақтаушы зейнетақы қорынан банктер мен корпоративтік қазақстандық эмитенттер құралдарына 200 миллиард теңге инвестиция салатын облигациялық бағдарлама қайта жаңғырады. Инвестиция нарықтағы шарттар бойынша, облигацияларды бес жыл мерзімге дейін иелену арқылы салынады.

(Парламенттік тыңдауда айтылды)



2 мамыр

ҚР Президенті Нұрсұлтан НАЗАРБАЕВ:

- Дүниежүзілік экономикалық форум сарапшылары алдағы 10 жылдағы үш трендті атап өтті. Біріншісі – адамдардың әл-аухатының теңсіздігі, екінші - әлеуметтік топтарға бөліну және үшіншісі – экологиялық қауіп-қатердің өсуі.

(Қазақстан халықтарының ассамблеясы сессиясында айтылды)



25 сәуір

Армения Республикасының бұрынғы президенті, премьер-министрі Серж САРГСЯН:

- Сіздерге мемлекет басшысы ретінде соңғы рет үндеу жариялаймын... Мен елдің жетекшісі, үкімет басшысы қызметінен кетемін... «Көше» қозғалысы менің бұл лауазымда отырғаныма қарсы шықты, мен сіздердің талаптарыңызды орындаймын. Елімізге бейбітшілік, келісім және даналық тілеймін"

(Халыққа жолдауында айтылды)



18 сәуір

ҚР Парламенті Мәжілісінің төрағасы Нұрлан НЫҒМАТУЛЛИН:

- Сіз қазір министр сияқты емес, Алай (Ташкенттегі көне базар) базарының "менің тауарым жаман, бірақ арзан" дейтін әйгілі саудагері сияқты сөйледіңіз. 

(Қорғаныс және аэроғарыш өнеркәсібі министрі Б.Атамқұловқа айтқаны)



11 сәуір

ҚР Білім және ғылым министрі Ерлан САҒАДИЕВ:

- 2016 жылы ағылшын тілінде тек 2 мың мұғалім сабақ берді... Осылайша, 2019 жылы 13,5 мың мектеп оқытушылары төрт пәнді ағылшын тілінде оқытатын болады.

(ҚР Президентімен кездесуде айтылды)



4 сәуір

ҚР Ақпарат және коммуникация министрі Дәурен АБАЕВ:

- Міне, біздегі баспасөз бостандығының көрінісі: қазір кетуім керек болса да, сіздер сұрақ қойып жатырсыздар... Мен өзім сөз бостандығы индексіне 10 балдық шкала бойынша 7-8 беремін. Әлі де алар биіктігіміз бар екеніне сенімдімін.

(Үкімет отырысынан кейін журналистерге айтқан)



28 наурыз

ҚР Парламент Мәжілісінің депутаты Омархан ӨКСІКБАЕВ:

- Қазір олар стратегиялық әріптес әкелеміз деп түсіндіріп жатыр... Олардың ережелері қандай болмақ? Біз оларға не рұқсат етеміз, не жоғалтамыз, не пайда табамыз? Сіздер барлығын үстіртін айтасыздар, ал халық бұл сөздеріңізден ештеңе түсінбейді.

(Үкіметтің Тұрғын үй құрылыс жинақ банкін жекешелендіру жоспарына қатысты айтылған)



20 наурыз

РФ Президенті Владимир ПУТИН:

- Мені тыңдаңыз, сіздің айтып отырғаныңыз сәл күлкілі нәрсе. Есептеп көрейік, мен 100 жасқа дейін осы жерде отырамын ба? Жоқ.

(2030 жылғы сайлауға қатысу туралы қойылған сұраққа берген жауабы)



14 наурыз

Индер ауданындағы шаруа қожалығының иесі Тілекқабыл СҰЛТАНҒАЛИЕВ:

- Малды тәулік бойы үзбей қарауың керек, көзден таса қалса, еңбегің бір сәтте зая болады. Демалысты ұмытасың. Сондықтан да ауыл адамдары жұмыстары болмаса да, мал баққысы келмейді. Болашақта мал бағатын адамдар мүлдем азайып кете ме деп қорқамын. Бұл мәселені қалай да шешу керек. 

(«АЖ»-ға берген сұхбатында айтылды - «Малшының таяғынан…»)



7 наурыз

ҚР Энергетика министрі Қанат БОЗЫМБАЕВ:

- Біздің министрліктің вице-министрі мен департамент директорының ұсталуы бізді әбден есеңгіретіп тастады. 

(Үкімет отырысынан кейін журналистерге айтылды)



28 ақпан

Индер ауданындағы шаруа қожалығының басшысы Ғалымжан НҰҒЫМАНОВ:

- Бізде кадр жетіспейді. Ветеринар, зоотехник, агрономдар – барлығы зейнеткерлік жасқа келіп қалған. Ал жастар осы мамандықтарды игергісі келмейді. Білікті мамандар керек, қарапайым шаруа ғылыми негіздерді түсіне бермейді. 

(«АЖ»-ға берген сұхбатында айтылды)



21 ақпан

ҚР Ақпарат және коммуникация министрі Дәурен АБАЕВ:

- Бұл ақырғы нұсқа ма, жоқ па деген мәселеге қатысты... бұл бағыттағы жұмыстар әр түрлі деңгейде жалғаса береді... Менің ойымша, латын әліпбиінің соңғы нұсқасы тиімді. Мұнда тек лингвистердің ғана емес, ІТ мамандарының пікірлері де ескерілді.

(Латын әрпімен жасалған қазақ әліппиінің жаңа нұсқасы туралы айтқаны)




14 ақпан

ҚР Энергетика министрі Қанат БОЗЫМБАЕВ:

- Қазіргі уақытта жобаны Еуропа қайта құру және даму банкінің несиелік қаржысымен қаржыландыру мәселесі бойынша келіссөздер қызу жүріп жатыр.

(Еліміздің батыс өңірлерінен орталық пен солтүстікке газ құбырын салу туралы үкімет отырысында айтылды) 



7 ақпан

Адвокат Джохар УТЕБЕКОВ, Алматы қ.:

- Астана әкімінің орынбасары, дені сау еркек, 1,1 млрд. Мүлігін тәркілеусіз айыппұл салынды. Тіпті параны да өзіне қалдырды. Маман, егде тартқан әйел, 28 мың теңге. Мүлігін тәркілеу және 5,5 жылға бас бостандығынан айыру. Соттағы әділдік қайда? Неге бізде вагондап ұрлаған тиімді?

(Facebook-тегі парақшасында айтылды)



31 қаңтар

Атырау облыстық мемлекеттік еңбек инспекциясы басқармасының басшысы Игілік ӘУБӘКІРОВ:

- Осындай тексерулер кезінде дипломдардың сәйкессіздігі де анықталады. Өткен жылы осындай 10 факт табылды... Бастапқыда адамдар бір лауазымға өтініш береді де, кейіннен анағұрлым жоғары лауазымдарда - менеджерлер, супервайзерлер, учаске шеберлері болып жұмыс істейді... Сондай-ақ, шетелдік және қазақстандық жұмыс күштерінің ара-қатынасы сақталмаған фактілер де бар. 

(«АЖ»-ға берген сұхбатында айтылды)



24 қаңтар

Атырау облысының әкімі Нұрлан НОҒАЕВ:

- Облыстық және аудандық мәслихаттардың кейбір депутаттары өз өкілеттіктерін орындамайды. Облыстық мәслихаттың 27 депутатының жартысына жуығы қалалық округтер бойынша сайланған. Өкінішке орай, қалада тұратын депутаттар аудандардағы ахуалдан бейхабар. 

(Облыс мәслихатының сессиясында айтылды)



17 қаңтар

Атырау қ. әкімі Серік ШАПКЕНОВ:

...соңғы кездерде БАҚ пен әлеуметтік желілерде екі бірдей коммуналдық қызмет көрсету мекемесі басшылары мен қалалық ТҮКШ бөлім басшысының орынбасары қамауға алынғандығы туралы ақпарат қызу талқыға түсуде... Қала басшысы ретінде тұрғындардан кешірім сұраймын. Бұл жағдай мені қатты қынжылтты. Біз жемқорлықпен күресті үдетіп, абыройымызға нұқсан келтіретін әрекеттерге жол бермеу үшін барымызды саламыз. 

(Атырау әкімдігінің Facebook-тегі бетшесінде айтылды)



10 қаңтар

ҚР Ұлттық экономика экс-министрі Қуандық БИШІМБАЕВ:

- ...тек маған ғана емес, кез-келген ел азаматына күйе жағып, жалған кінә тағып, айыпкер атауға болады. Алайда бір де бір орган, прокуратура да болып жатқан нәрсенің мәнін объективті түрде анықтағысы келмейді. Бұл берекетсіздікті тоқтатыңдар!

(Сот отырысында айтылды)



3 қаңтар

Орталық Азия демократияны дамыту қорының жетекшісі Толғанай ҮМБЕТАЛИЕВА:

- ...саяси мәселелерді күштік құрылымдар арқылы шешу сияқты процестер қазірдің өзінде болып жатыр. Менің ойымша, «транзит» басталған жағдайда бұл жақсы үрдіс емес.

(«АЖ»-ға берген сұхбатында айтылды) 



27 желтоқсан 2017

ҚР Президенті Нұрсұлтан НАЗАРБАЕВ:

- Министрлерді түрмеге отырғызамыз. Бұл жақсы ма? Ешқандай. Адамдарды осындай деңгейге дейін өсіру үшін қанша уақыт керек. 

(БАҚ өкілдерімен кездесуде айтылды)



20 желтоқсан 2017

ҚР Парламенті Сенатының төрағасы Қасым-Жомарт Тоқаев:

- Ұлттық комиссия қазақ тілінің латын әліпбиі бойынша нақты шешімге келген жоқ, сондықтан "апостроф" әліпбиін газеттерде я басқа жерлерде пайданалуға әлі ерте.

(Twitter-дегі жеке парақшасында айтылған)



13 желтоқсан 2017

Саясаттанушы Досым СӘТПАЕВ:

- Сондықтан қазір де, болашақта да бұған елге осы инвесторларды әкелген билік жауап береді және ол өз азаматтарының мүдделерін қорғайтын мемлекеттік бағдарын іс жүзінде көрсетуі керек.

(«АрселорМиттал Темиртау» шахталарындағы ереуіл туралы айтқаны)



6 желтоқсан 2017

UCL (Лондон) студенті, Microsoft-қа арналған қосымша әзірлеген Тимур ҚОЖАҒАЛИЕВ:

-  UCL-де көппіз – 200-ге жуық. Калифорния университетінен тек бір қазақ қызын білемін, басқаларымен кездеспедім. Араларында менен де ақылды студенттер бар, олардың осы жерде қазақстандық мәртебені биікке көтеріп жүргендеріне ризамын.

(«АЖ» сұхбатында айтылған) 



28 қараша 2017

ҚР Президенті Нұрсұлтан НАЗАРБАЕВ:

- Орталықтағы (Астана) бұл тұрғын үй кварталында адамдар үйінен киім ауыстырмастан шыға алатын жабық даңғыл болады деген идеям бар. Мұнда дүкендер салынып, мәдени шаралар да өтеді. Тіпті, Торонтода және басқа қалалардағыдай, мектептер де болуы мүмкін, адамдар бір-біріне барып, араласады. Сіз осы істі қолға алып, жүзеге асыруға ниет білдірдіңіз. 

(Ақордада испан сәулетшісі Сантьяго Калатравамен кездесу кезінде айтылды)



15 қараша 2017

Кәсіпкер Айдан КӘРІБЖАНОВ:

- Бәрі бітті. Жас күнінде, тоқсанға толған кезінде, кетуі керек еді. Ал 93 жасында, әрине, шектен шығу.

(Зимбабведегі төңкерістен кейін президент Мугабе туралы Facebook-те жазған пікірінен) 



8 қараша 2017

«Нұр Отан» партиясы төрағасының бірінші орынбасары Мұхтар ҚҰЛ-МҰХАММЕД:

- Құрметті елбасы! ...соңғы жылдың ішінде еліміздің бюджеті 12,5 триллионға жетті, бұл 17 жыл бұрынғы кезеңмен салыстырғанда 21 есе артық. 21 ғасырда әлемнің бірде-бір елінде мұндай таңғаларлық өсім болған емес.

(Партияның саяси кеңесі отырысында айтылған)



31 қазан 2017

ҚР Ұлттық кітапхана директорының кеңесшісі, саясаттанушы Айдос САРЫМ:

- Менің заңды сауалым бар. Латын графикасы туралы. Президенттің бүкіл бір ұлттың әліпбиін өз жарлығымен өзгертуіне құқығы бар ма? ...Яғни, президент үкіметке заң әзірлеуді және жобаны парламентке енгізуді тапсыруы тиіс. Парламент оны барлық процедуралар, әліпбидің пробациясы және басқасынан кейін бекітілген тәртіпте қарауы тиіс.  

(Facebook-тегі жеке парақшасында айтылған)



25 қазан 2017

ҚР Тұңғыш Президенті Қоры жанындағы әлемдік экономика және саясат институтының ішкі саяси және әлеуметтік зерттеу бағдарламасының басшысы Серік БЕЙСЕМБАЕВ:

- ...мен бізде қоғамдық сана бойынша бәрі дұрыс деп есептеймін. Азық-түлік өнімдері мен тауарлардың қымбаттауына байланысты азаматтардың алаңдаушылығы артады және бар назарын әлеуметтік-экономикалық мәселелерге аударады.

(ia-centr.ru-ге «Қоғамдық сананың жаңғыруы» бағдарламасы туралы берген сұхбатында айтылған)



18 қазан 2017

Шымкент әкімі Ғабидолла ӘБДІРАХЫМОВ:

- Мен ертеңнен бастап 1 айға қызметтік көліктерді пайдалануға тыйым саламын. Бұл маған да, менің орынбасарыма, аппарат басшыларына, аудан әкімдеріне, олардың орынбасарларына, комуналдық мекеме басшыларына, олардың  орынбасарларына қатысты. Барлық басшылық құрамға қоғамдық көліктерде тәртіп орнатуды тапсырамын. 

(16 қазан күні қалалық әкімдіктегі жиналыста айтылған)



11 қазан 2017

- Мен қала төңірегінен кәсіпорын құрылысын салуға мүлдем тыйым салып, құрылысты Қарабатандағы ЕЭА-ға көшіруді ұсынамын. Ол жерде бүкіл кешен құрылуда. Қалалық ҮЕҰ-дар облыстық мәслихатқа депутаттар заңды түрде қала шеңберінен өндірістік кәсіпорындар салуға тыйым салсын деген ұсыныспен шықса деймін. Тіпті, қазіргі бар кәсіпорындардың өздері тұрғындар үшін үлкен қауіп төндіреді.

имиялық реагенттер өндіру жобасы бойынша өткен қоғамдық тыңдауда айтылған)




Страницы:1234...8

предыдущаяследующая