Су тасқыны қаупі жоқ

Көршілес Батыс Қазақстан облысында көп мөлшерде жауған жауын-шашындардың салдарынан дауылды ескерту мен су тасқыны қаупі жарияланды. Атырау қаласына да осындай қауіп төніп тұр ма?

Облыстық мобилизациялық дайындық, азаматтық қорғаныс, табиғи апаттарды ескерту мен жою жөніндегі басқарма бастығының орынбасары Ерболат БЕКТЕМІРОВТІҢ айтуынша, біздің қаламыз үшін ешқандай қауіп жоқ екен. Батыс Қазақстан облысында Теректі, Тасқала және Зеленов аудандарын Жайық өзенінің емес, ұсақ өзендердің суы басып кеткен. Оның үстіне, біздің қаламыздың маңындағы Жайықтың деңгейі көпжылдық көрсеткіштен анағұрлым төмен. Облысымыздағы Ойыл, Сағыз, Ембі секілді ұсақ өзендердегі ахуал тұрақты, бұл жерден де елеулі су тасқыны байқалмайды.

Мұрат СҰЛТАНҒАЛИЕВ

Суретті түсірген В.Истомин