Атырау, 29 наурыз 16:45
 ашықВ Атырау +4
$ 448.15
€ 483.46
₽ 4.86

Иранда президент сайлауы басталды

2 921 просмотра
Иранда президент сайлауында дауыс беру басталды.

Иранның рухани жетекшісі Аятолла Әли Хаменеи Тегерандағы сайлау учаскелерінің бірінде дауыс берді. Дауыс берген соң сөз сөйлеген ол АҚШ-тың Иранда "сайлау демократиялық жолмен өтпейді" деген тұрғысындағы сыни пікірлерін теріске шығарды. 

Сайлау қарсаңында жүргізілген әлеуметтік сауалнамаларға қарағанда, бәсеке Иранның ядролық бағдарламалар бойынша бұрынғы келіссөздерін жүргізген Хасан Рохани мен Тегеран мэрі, консерватор Мохаммад Бакер Халибаф арасында болмақ. 

Президент сайлауына бұл екеуінен өзге төрт кандидат түседі. Олар - ядролық бағдарлама бойынша келіссөздерді жүргізуші Саид Жалили, Аятолла Әли Хаменейдің халықаралық істер бойынша кеңесшісі Әли Акбар Велаяти, сақшылар корпусының бұрынғы командирі Мохсен Резаи және бұрынғы телекоммуникация министрі Мохаммад Гарази.

Егер бүгінгі дауыс беруде бір де бір кандидат көпшілік дауысты жинай алмаса, онда өзгелерінен ең жоғары ұпай алған екі кандидат 21 маусымда екінші рет сайлауға түседі.

Бұл сайлауда жеңіске жеткен кандидат президент қызметін екі мерзім қатарынан атқарған Махмуд Ахмадинежадты алмастырады.
 
Дереккөз: azattyq.org
14 маусым 2013, 16:23

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.