Дала көлінде балықтар қырылды

Жылыой ауданындағы Тұрғызба ауылының тұрғыны «АЖ» редакциясына су бетінде өлген балықтар қалқып жүрген бейнежазба жолдады.  Оның айтуынша, бұл жағдай бірінші рет болып отырған жоқ.

- Шынымен де, Жем ауылдық округіне қарасты Тұрғызба ауылынан батысқа қарай 20 шақырым жердегі Жыңғылдыкөл көлінде балықтар жаппай қырылды, - дейді Жылыой ауданының әкімі Азамат БЕКЕТ. - Қазір көлді орман және жануарлар дүниесі аумақтық инспекциясының қызметкерлері тексеріп жатыр, оқиғаның себебін анықтау үшін жұмыс тобы құрылды. Алдын ала нұсқасы – су айдынының ішінара құрғауына әкелген аптап ыстық.

Өткен жылдың наурызында сол Жылыой ауданының Жем өзенінде балық жаппай қырылған болатын. Оның себебі ақыры анықталмады.

Фархат ӘБІЛОВ