Жас ақындар додасы

Сенбіде, 29 маусымда, Құрманғазы атындағы мәдениет сарайында Астана күніне арналған республикалық жас ақындар айтысы өтіп, еліміздің әр өңірінен 18 бен 29 жас аралығындағы 12 сөз шебері қатысты.

Тартысты өткен айтыстың 700 мың теңгелік бас жүлдесін Атыраудағы Н.Тілендиев атындағы кіші өнер академиясының ақындық өнер пәнінің мұғалімі Өнербек ДӘУЛЕКЕНОВ жеңіп алса, бірінші орын мен 500 мың теңге сыйлық Жаңаөзен қаласынан келген Абай ЖОЛМАҒАНБЕТОВКЕ бұйырды. Шығысқазақстандық Саягүл БІРЛЕСБЕК пен Исатай ауданынан келген Амангелді ПАНАБЕРДИЕВ екінші орын мен әрқайсысы 300 мың теңгеге ие болса, 200 мың теңге сыйлығы бар үшінші орынды Тараз қаласынан келген Аруна КЕРІМБЕК пен атыраулық Әсел ТАУШАНОВА алды.

Нұрбейбіт НҰҒЫМАНОВ

Суретті түсірген автор