Шомылуға кетіп, қайтып оралмады

19 маусымда Атырау облысында екі бала Жайық өзеніне батып кетті. Бірінші жағдайда, сағат 15.06-да ТЖД кезекшісіне Махамбет ауданының Талдыкөл ауылында 8 жасар баланың суға батып кеткені туралы хабарлама келіп түскен. Баланың денесі әлі табылған жоқ.

- Сол күні сағат 18.30-да сол аудандағы Ақжайық ауылында 15 жастағы жасөспірім Жайыққа батып кеткен, денесі әзірге табылған жоқ, екеуін де іздестіру жұмыстары жүргізілуде, - деп хабарлады өңірлік ТЖД баспасөз қызметінен.

Ақжайық ауылының тұрғындарының бірі «АЖ» тілшісіне әңгімелегендей, суға батқан жасөспірім жақында 9-шы сыныпты бітірген, жүзу білмейді екен, шомылуға досымен бірге барыпты.

Фархат ӘБІЛОВ