Қырғызстанда тағы бір бұрынғы премьер-министр ұсталды

Бішкектегі қыстыгүнгі ЖЭС апаты бойынша қозғалған қылмыстық іс аясында бұрынғы лауазымды тұлғалар қамауға алынды. Қырғызстан министрлер кабинетінің бұрынғы басшысы Жанторо Сатыбалдиев жемқорлық жасады деген күдікпен ұсталды. 

"Мемлекеттік ұлттық қауіпсіздік комитетінің баспасөз қызметі хабарлағандай, экс-премьер-министр Жанторо Сатыбалдиев Бішкек ЖЭС-ын жаңарту туралы іс бойынша ұсталды", — деп хабарлайды Sputnik Қырғызстан.

Экс-премьер-министрге сыбайлас жемқорлық жасады және қылмысқа қатысы бар деген айыптаулар тағылған. Қазір уақытша ұстау изоляторында отыр. Тергеу жүріп жатыр.

ЖЭС апатына қатысты іс бойынша бірқатар бұрынғы жоғары лауазымды тұлға ұсталған: бұрынғы премьер Сапар Исаков, Ұлттық энергетика холдингінің бұрынғы басшысы Айбек Калиев және энергетика саласының басқа да мамандары.

Дереккөз: sputniknews.kz