Атырау, 29 наурыз 15:23
 ашықВ Атырау +4
$ 448.15
€ 483.46
₽ 4.86

Түрікменстан президенті Қадір түні құрметіне 600 адамды түрмеден босатты

1 908 просмотра


Гурбангулы Бердімұхамедов рақымшылық жасауды дәстүрге айналдырып келеді, соңғы рет Наурыз мерекесі қарсаңында амнистия жариялады. Түрікменстан президенті Гурбангулы Бердімұхамедов Рамазан айындағы "Гадыр гижеси" (Қадір түні) құрметіне 600 сотталушыға рақымшылық жасаған, деп жазды centralasian.org. 

Бердімұхамедов рақымшылық жасау туралы бұйрыққа 8 маусымда қол қойған.

Азатлык радиосы дереккөзінің хабарлауынша, президент рақымшылығы жалпы үш мың адамды қамтиды. Оның ішінде түріктің діни уағызшысы Фетхуллах Гюленге қатысы бар, "гүленшілер" деген атпен танымал "Хизмет" қозғалысының мүшелері болды деген айыппен ұзақ мерзімге сотталған азаматтар да бар. Бірақ олардың нақты саны белгісіз. Кейбір деректерге қарағанда, 2016 жылдың қазан айында түрік оппозициясына қатысы бар деп 30-дан астам адам сотталған. Енді бір мәлімет бойынша, 50 адам түрмеде отыр.

Орталық Азия елдері арасында адам санына шаққанда ең көп тұтқын Түрікменстанда. Бірақ соңғы жылдары Гурбангулы Бердімұхамедов рақымшылық жасауды дәстүрге айналдырып келеді. Соңғы рет биыл Наурыз мерекесі қарсаңында амнистия жариялады. 

Дереккөз: sputniknews.kz

12 маусым 2018, 09:11

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.