​Ангела Меркель: «Газа секторындағы қақтығысқа бей-жай қарай алмаймын»

Германия канцлері Ангела Меркель Израиль премьер-министрі Биньямин Нетаньяхумен телефон арқылы Иерусалимдегі қанды қырғын туралы сөйлесті, деп хабарлайды yeniakit.com ақпарат порталы. 

Германия канцлері Газа секторы мен Израиль шекарасында қарсылық шарасына шығушылардың әрекетін бассыздық деп бағалайтынын, оған бейжай қарай алмайтынын айтты. 

Сонымен қатар, Меркель, екіжақты сөйлесу барысында Израиль мемлекетінің құрылғанына 70 жыл толуымен құттықтап, Газа секторындағы жағдайдың ушыққанына алаңдаушылығын білдірді. 

Ол, әсіресе Германияның Израильдің қауіпсіздікке қатысты алаңдаушылығына түсіністікпен қарайтынын тілге тиек етті. 

Дереккөз: “The Qazaq Times”