Қараңғылық – жастарға жайлы

Мамыр мерекелерінде Атыраудағы ретро саябақта бірнеше шара өтті. Бірақ бұл жердегі жалпы жағдай аса жақсы емес: қараңғы кезде жарық жоқ, гүлзарлар қурап қалған.

- Көп ұзамай саябақ қалалық билікпен келісім бойынша бізге берілетін болады, қазір заңды процедуралар жүріп жатыр. Иә, шамдардың көбі жанып кеткен, 100 данадай, - дейді «Атырау Мәдениет және демалыс саябағы» КМК директоры Әнуар ЖҰМАБАЙ.

- Бұл мердігердің сапасыз орындаған жұмысының салдары ма?

- Жоқ, олай демеймін ... Бірақ көп ұзамай барлық шамдарды ауыстарымыз.

- Ағаштар мен гүлзарларға не болды?

- Қазіргі уақытта суару жүйесі жұмыс істемейді, өйткені күзде жүйе дұрыс тұмшаланбады. Биыл қайта іске қосу кезінде көптеген ақаулар табылды. Қазір құрылыс компаниясы ақауларды өз есебінен жойып жатыр.

Фархат ӘБІЛОВ

Суретті түсірген автор