Атырау, 29 наурыз 16:52
 ашықВ Атырау +4
$ 448.15
€ 483.46
₽ 4.86

Ресейде қысымға қарамастан Telegram әлі жұмыс істеп тұр — Дуров

1 835 просмотра


Telegram мессенджерінің негізін салушы Павел Дуров Роскомнадзордың мессенджерді бұғаттау әрекетіне қарамастан ресейліктердің оны қолдана алып отырғанын мәлімдеді. Дуровтың сөзінше, соңғы төрт күнде Ресей билігі 18 миллион IP адресті бұғаттағанымен, ол Telegram жұмысына еш әсер етпеген, деп хабарлайды Baq.kz ақпарат агенттігі.

Дуров мессенджерді бұғаттауға қатысты жағдайды "300 спарталық" фильмімен салыстырды. Ол интернет қолданушылардың әрекеті "отандастарының еркіндігі үшін күрескен" Спарта қаласы тұрғындарының тарихын еске түсіретінін айтты.

Роскомнадзор Telegram мессенджерін оның Ресей арнайы қызметіне қолданушылар жазатын хат-хабарды шифрлау кілтін беру талабын орындаудан бас тартқаны үшін бұғаттап жатыр. Ведомство мессенджерді шектеуде Google, Microsoft және Amazon сияқты ірі америкалық компаниялардың IP-адрестерін бұғаттап жатыр. Ресейде бұдан жүздеген онлайн-сервис пен Роскомнадзордың өзі де зардап шегіп отыр.

Осыған қарамастан Telegram Ресейде әлі де жұмыс істеп тұр. Бұдан өзге, бұғаттау басталғалы бері мессенджер трафигі артқан. Америкалық азаматтық еркіндіктерді қорғау одағы (ACLU) Amazon, Google, Microsoft және Apple компанияларын Telegram мессенджерін қолдауға және оны жасаушылардың IP адрестерін шексіз өзгертуіне мүмкіндік беруге шақырып жатыр.

Дереккөз: Baq.kz

20 сәуір 2018, 10:46

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.