Головкин мен "Канело" арасындағы екінші кездесу қыркүйек айында өтеді

Мексикалық бокшы допингке байланысты тамызға дейін шеттетілді.

Орта салмақта WBC, WBA (Super), IBF және IBO тұжырымдары бойынша әлем чемионы Геннадий Головкиннің (37-0-1, 33 КО) промоутері Том Леффлер допинг қолданғаны үшін жарты жылға бокстан шеттетілген мексикалық Сауль "Канело" Альвареспен 49-1-2, 34 КО) екінші кездесудің қашан өтетінін айтты, деп хабарлайды Los Angeles Times басылымы. 

Промоутердің айтуынша, екінші жекпе-жек мексикалықтың жаза мерзімі аяқталған соң ұйымдастырылады екен. 

"Алдымен біз Головкиннің 5 мамырдағы кездесуін өткізіп алайық. Содан соң Golden Boy Promotions компаниясымен келіссөз бастап, жекпе-жекті қыркүйек айына ұйымдастырамыз. Бұл кездесуді әлі де жанкүйерлер асыға күтіп отыр", - деді Леффлер. 

Еске салайық, әу баста Головкин мен "Канело" арасындағы кездесу 5 мамыр күні өтуі керек еді. Бірақ оның қанынан допинг табылып, тамыз айына дейін шеттетілді. Енді "Канелоның" орнына отандасымыздың қарсыласы америкалық Ванес Мартиросян болады. Жекпе-жек Лос-Анджелес қаласының маңындағы Карсон қаласындағы StubHub Center спорт кешенінде өтеді. Бұл кездесуді отандасымыз WBC, WBA (Super) және IBO белбеулерін қорғайды. Ал IBF белбеуі ұйымның келісімшарты бойынша бұл жекпе-жекте сарапқа салынбайды. 

Дереккөз: vesti.kz