Балық саудасына кедергі

«Кедергі» жедел-алдын алу іс-шарасы кезінде «Атырау-Индер» тас жолында жол-патрульдік полиция ротасы қызметкерлері «Лексус» автокөлігін тоқтатып тексергенде салоннан 800 келі сазан мен 42 келі бекіре тұқымдас балықтар табылған.

Сондай-ақ, Атырау қаласынан бір әйел адам ұсталып, одан жалпы салмағы 25 келі бекіре тұқымдас балық пен 2 келі қара уылдырық тәркіленді. Атырау облыстық ІІД баспасөз қызметінің айтуынша, Бұларға қатысты ҚР ҚК 339-бабы (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша сотқа дейінгі тергеп-тексеру амалдары жүріп жатыр.

Ләззат ҚАРАЖАНОВА

Бейнежазбаны ІІД ұсынды