Оңтүстік Корея Пхенчхан Олимпиадасы Абзал Әжіғалиев Төрткүл дүниенің төрт бұрышындағы спортсүйер қауым асыға күткен сәт те келіп жетті.
Дәл қазір Оңтүстік Кореяның Пхенчхан қаласында ХХІІІ қысқы Олимпиада ойындарының салтанатты ашылу рәсімі басталды. Ұйымдастырушылар бұрын-соңды болмаған шоу өтетіндігіне уәде берген болатын. Сондықтан бағдарлама барысын соңғы сәтке дейін құпия ұстап келді.
Дегенмен шеру тәртібі өзгермеген. Мемлекеттерді әдеттегідей грекиялық спортшылар бастайды. Ары қарай дүбірлі додаға қатысатын 92 ел корей әліпбиіне сай таныстырылады.
Дереккөз: 24.kz