Құрманғазы ауданының Әлсейіт ауылында 29 қаңтарға қараған түні пеш мұржасының жарамсыздығы салдарынан екі адам газден уланды. Олар ауруханаға жатқызылды.
***
Қаңтардың 29-да Атырауда Сырым Датов көшесінің бойындағы бір қабатты кафе ғимаратының шатыры өртенді. Шамамен бір сағат өткенде өрт ауыздықталып, өшірілді. Құрбан болғандар мен зардап шеккендер жоқ.
***
Ақпанның 1-інде кешкісін 101 қызметіне Авангард 3-ші ықшамауданындағы №32 үйде өрт шыққаны туралы хабарлама келіп түсті. Өрт сөндірушілер келгенде асүйдегі терезенің алды жанып болған. Өртті көршілері сөндіріпті. 85 жастағы әжейге иіс тиіп, облыстық ауруханаға жатқызылды.