​АҚШ Катар дағдарысына араласты

АҚШ Мемлекеттік хатшысы мен Катар СІМ басшылары және екі ел үкіметтерінің жоғары дәрежелі лауазымдылары кеңейтілген кездесу отырысын өткізіп, екі елдің ынтымақтастығын бекемдеу туралы келісімге қол қойды. Бұл туралы "People" басылымы хабарлады.  

Кездесу отырысына Құрама Штат лауазымдыларынан АҚШ мемлекеттік хатшысы Рекс Тиллерсон, Пентагон басшысы Жеймс Меттис, ал Катар тарабынан елдің СІМ басшысы Шейх Мұхаммед бин Абдурахман әд-Сани және Қорғаныс министрі Халид бин Мұхаммед әл-Атие қатысып, келісімдерге қол қойды. 

Тиллерсон Катар дипломатиялық дағдарысының аймақтағы қауіпсіздік пен экономикаға айтарлықтай кері әсерін көрсеткенін атап өтті. Катар және өзге де Шығанақ елдерін пікір бірлігіне шақырды. 

Екі елдің лауазымдылары АҚШ  пен Катар арасындағы дипломатиялық байланыстарды тыңнан дамытатынын айтты. 

Дереккөз: “The Qazaq Times”