Мал кеселін қайтару үшін

Биыл Атырау облысында аса қауіпті мал ауруларының алдын алуға бюджет қаржысына алған 1млн 709 850 вакцина бөлініп отыр. Екпе ақпан айында басталады.

Атырау облыстық ауыл шаруашылығы және ветеринария басқармасының басшысы Мақсот МҰҚАНОВТЫҢ айтуынша, вакцина құтыру, пастереллез, сібір жарасы, сиырдың қарасан, жылқының маңқа ауруына, құс тұмауы, малдың дерматиті және туберкуллез ауруларының алдын алу керек. Екпе жасау жоспары  өңірдің зоотехникалық ахуалына мониторинг жасау арқылы жасақталған.

Өткен жылы Исатай ауданында 262 жылқы опат болды? Мұның себебі анықталды ма?

- Мал сақау ауруынан қырылды. Бұл кесел бюджеттен өтемақы төленетін аурулар тізбесіне кірмейді. Алайда қазір сақауды осы тізбеге кіргізу бойынша жұмыстар жүріп жатыр. Сондай-ақ, Исатай ауданы сақауға қарсы екпе партиясы сатып алынды.

Нұрбейбіт НҰҒЫМАНОВ