Атырау, 20 қаңтар 02:41
Таңертең ашық-7, күндіз -3
ҚР Ұлттық банкінің валюта бағамы: $ 325.20  € 397.13  P 5.74

Жылу қанша тұрады?

8 қаңтар 10:48


2018 жылдың 1 қаңтарынан бастап коммуналдық төлемдер қалай өзгерді? Атап айтқанда, электр энергиясының қымбаттамағаны, ал жылу тарифінің 1,4 пайызға көтерілгені анықталды.

Атырау облыстық табиғи монополияларды реттеу департаментінің бұйрығымен 2015 жылғы 23 қарашада 2016-2020 жылдарға АЖЭО АҚ (жылу энергиясын өндіру және қамту) тарифтерінің шекті деңгейі бекітілді. Онда 2018 жылдың 1 қаңтарынан бастап жылу тарифінің көбейетіндігі көрсетілген (осы жерде және әрі қарай ҚҚС-сыз бағалар): жылу есептегіші бар тұрғындар үшін - бір гкал-ға 3752,97 теңгеден бастап 4181,64 теңгеге дейін; жылу есептегіші жоқ тұрғындар үшін – баспананың бір текше метріне 126,47 теңгеден 128,24 теңгеге дейін; апатты, тозығы жеткен үй-жайлар мен барак түріндегі үйлерде тұратын тұрғындар үшін – баспананың бір шаршы метріне 105,39 теңгеден 106,87 теңгеге дейін; суық судың 1 текше метрін жылыту үшін төлемақы - 195,57 теңгеден 198,31 теңгеге дейін.

- Бұл тарифтер АЖЭО АҚ-ның қолданыстағы активтерін қайта жарақтап, қолдауға және жаңа активтерін құруға бағытталған 2016-2020 жылдарға арналған, жалпы сомасы 1 млрд 18 млн теңгені құратйтын инвестициялық бағдарламасын жүзеге асыруды қамтиды, - дейді Табиғи монополияларды реттеу комитетінің Атырау облысы бойынша департаменті басшысының міндетін атқарушы Болат СҮЛЕҒАЛИЕВ.

Жаңа жыл алдында «ақ үйдің» жеделсатысында Атырау энергия торабы басқармасының төрағасы, облыстық мәслихат депутаты Оразғали ҚАРШЕГЕНОВПЕН кездесіп қалдық. Ол АЖЭО-ның ТШО-мен газ жеткізу туралы келіскенін айтты, бірақ бағасын атамады.

2017 жылы 823 мың гкал өндіру жоспарланған жылу энергиясы іс жүзінде 680 мың гкал өндірілді. Бұл жерде себептері де келтірілді – «тұтынушылардың көпшілігі автономды газ жылыту жүйесіне көшуі және ортақ жылу есептегіш аспабын қолдануы салдарынан тұтынушылар жылу энергиясын аз тұтынады».

Бұдан жылу тұтыну азайса, іс жүзінде ешкім қосуды жоспарлап отырмаған қазандықтар мен турбиналар үшін тұрғындарға тағы үш жыл ақша төлеудің қажеті қанша деген сұрақ туындайды.

Мұрат СҰЛТАНҒАЛИЕВ

Нашли ошибку? Выделите её мышью и нажмите Ctrl + Enter.
Следите за новостями
в телеграм канале @AzhKz_KZ

600 рет қаралдыБасты бет

Тақырып бойынша жаңалықтар

Ауылдар үшін су бағасы қымбаттайды  847 рет қаралды

Көтерілетін тариф бес жыл өзгертілмейді  1156 рет қаралды

​Бірінші қыркүйекке әзірлігіңіз қалай?  1770 рет қаралды

Уәдені үш жыл күтеді  1281 рет қаралды

Басты бет