Төлем қағазынан бұрын

- Төлем қағазына қалдықтарды жинау үшін үшін төлемді неге қосқан? Бланкте басқаша жазады, Ал, Арнайыавтобаза басқа соманы көрсетеді. Мен ай сайын Арнайыавтобазаның кеңсесіне төлем жүргіземін, ал, РЦКУ бланкасы бойынша мен қалдық үшін тағы төлеуім керек пе? Түсіндіріп беріңізші, әйтпесе, түсіне алмай жүрмін.

«АЖ» поштасынан

Сұраққа «РЦКУ-Атырау» ЖШС директоры Асхат ЖОЛАТОВ түсініктеме берді:

- «Арнайыавтобаза» ЖШС кәсіпорын үшін биллингтік қызметтерді сатып алды. Келісім шарттарына сәйкес абоненттерді бірыңғай төлем құжатына біріктіру, төлем қағазын басып, оны тұтынушыларға жеткізу керек болды. Әр абонент бойынша сальдоны тапсырысшы ағымдағы айдың 30-ына дейін ай сайынғы негізде ұсынып отырды. Сіз төлем қағазының шығарылып, сізге жеткізілуіне дейінгі қызмет үшін төлем жүргізіп жүрген боларсыз. Алмагүл ықшамауданындағы абоненттік учаскеге барып, «ҚТҚ шығару» қызметі бойынша тексеруі актісін ала аласыз.