Қамауда ұстау шарасын белгіледі

Атырау қалалық №2 сотының тергеу судьясы 2 қазанда ұсталған «Атырау Су арнасы» директоры Андрей ТАШЛЫКОВҚА 2 ай мерзімге «қамауда ұстау» түрінде бұлтартпау шарасын санкциялады.

Қаулыда судья ұсталушыны 68 млн 70 мың теңге сомасында салынған кепілдікпен босату шартын белгіледі. Мұндай сомада кімннің кепілдік салатыны туралы әзірге мәлімет жоқ.

Тергеу жорамалы бойынша, мұнайлы астананың бас «су» қызметкері ҚР ҚК-нің 189-бабының 4-тармағында қарастырылған қылмысты жасады – өзіне сеніп тапсырылған бюджет қаржыларын жалған келісімшарттар жасау арқылы жымқырды деп күдіктелуде.

Мұрат СҰЛТАНҒАЛИЕВ