Атырау, 19 маусым 19:20
Түнде ашық+17, таңертең +25
ҚР Ұлттық банкінің валюта бағамы: $ 338.78  € 392.82  P 5.35

Ауқымды цифрлық өзгерістерге қадам басқалы тұрғанымызға ешқандай күмән жоқ - Абаев

13 қыркүйек 2017 16:06


Бұл туралы бүгін Цифрландыру мәселелері жөніндегі республикалық кеңес барысында тілшілерге берген сұхбатында ҚР Ақпарат және коммуникациялар министрі Дәурен Абаев мәлім етті, деп хабарлайды ҚазАқпарат. 

«Бүгін  бағдарламаның алдын ала таныстырылымы өтті. Мемлекет басшысы барлық ұсыныстарды ескере отырып, оны пысықтауды тапсырды. Атап айтқанда, біз қазіргі кезде ауқымды цифрлық өзгерістерге қадам басқалы тұрғанымызға ешкім де күмәнданбайды. Егер де осы үдерістен қалмасақ, онда осындай бағдарламаны қабылдайтын 15-ші ел боламыз. Бұл өз кезегінде мемлекетке қажетті шараларды үйлестіруге, жеке бизнеске көмектесуге, цифрландыру бағытын күшейтуге көмектеседі. Ал цифрландыру қандай нәтиже беретінін өздеріңіз жақсы білесіздер, яғни бұл бағытта ашықтық, барлық шығындарды оңтайландыру, рәсімдерді жеделдету, қауіпсіздік секілді негізгі қажеттіктер қамтамасыз етіледі», - деп тоқталды министр. 

Осы орайда Д. Абаев еліміздің цифрлық саясатын жүзеге асыруға барлық салалалар өздерінің үлесін қосатынына сенімді екенін атап өтті. 

«Әрбір мемлекеттік органның өзіндік цифрлық саясаты бар. Кеңес аясындағы көрмеден байқағаныңыздай, «Самұрық-Қазына» қорынан бастап, ҚР Бас прокуратурасына дейін қажетті жоспарды қарастырып отыр. Әр салада цифрландыру жүргізіледі, себебі қаржы мен адамның уақытын үнемдейтін қажетті бағыт. Сондықтан жалпы Үкімет болып бұл бағдарламаға көңіл бөлеміз деген ойдамын», - деді Дәурен Абаев. 

Бұдан бұрын хабарланғандай, арналған республикалық кеңесте Елбасы Нұрсұлтан Назарбаев Қазақстанды цифрландыру жөніндегі арнайы комиссия құру керектігін айтты. 

«Президент жанынан арнайы комиссия құру қажет. Жұмыс органы Премьер-Министр мен оның кеңсесі болады. Бағдарламаны ескертпелерді қаперге ала отырып соңына дейін аяқтаңдар, оны нақтылаңдар және іске көшіңдер. Жылдың соңына дейін сіздерге уақыт беріледі. Келесі жылдың 1 қаңтарынан жеке өзім ай сайын бақылауға алатын боламын», - деді Нұрсұлтан Назарбаев.

Дереккөз: ҚазАқпарат


Нашли ошибку? Выделите её мышью и нажмите Ctrl + Enter.
 

374 рет қаралдыБасты бет Поделиться:

Подпишитесь и узнавайте о новостях первыми


Тақырып бойынша жаңалықтар

Денсаулық сақтау министрлігі Қадір түнін өткізуге қатысты кеңес берді  343 рет қаралды

Президент: Криптовалюта мен блокчейн технологиялар қаржы нарығын түбегейлі өзгертеді  139 рет қаралды

«Сөзді жалғыз естігім келмейді»  2077 рет қаралды

Банкноттар кириллицадан латын әліпбиіне біртіндеп аударылады – Абаев  312 рет қаралды

Басты бет

1 2 3 4 5 6