Атырау облыстық қылмыстық істер бойынша ауданаралық сотында ҚР Қылмыстық кодексінің 99-бабы («Адам өлтіру») бойынша іс қаралды.
Сотта 4 наурыз күні Атырау қаласының Көктем ықшамауданында сотталушы Р-дың жәбірленуші Б-мен бірге спирттік ішімдік ішкені анықталды. Араларында келіспеушілік басталып, Б. стақандағы шайды Р-дің бетіне шашып жіберіп, асүйдегі столды аударып тастаған. Оған жауап ретінде Р. ұшында темірі бар үстелдің сынған аяғымен бөтелкелесін өлгенше ұрып тастаған. Сот-медициналық сараптама денеде жүзден астам соққының барын анықтады.
Облыстық соттың баспасөз қызметі хабарлағандай, Р. қатаң тәртіптегі колонияда 10 жыл бас бостандығынан айрылу жазасына кесілген. Шешім заңды күшіне енді.
Мұрат СҰЛТАНҒАЛИЕВ