Атырау, 29 наурыз 03:01
 ашықВ Атырау +4
$ 448.15
€ 483.46
₽ 4.86

​Мемлекеттік қызметшілерге мешітке баруға тыйым салына ма?

2 194 просмотра


Бұған дейін мемлекеттік қызметшілерге жұмыс уақытында діни жоралғыларға қатысуға шектеу қойылуы мүмкін екендігі хабарланған еді.

Мемлекеттік қызметшінің этика кодексі мен еңбек кодексін  бұзған азаматтарға қолданылатын жауапкершілік қатаңдатылуы мүмкін, деп хабарлады ҚР Дін істері және азаматтық қоғам министрі Нұрлан Ермекбаев.

"Бұл мәселеге байланысты мемлекеттік қызметшінің этика кодексі бар. Оны мемлекеттік қызмет істері және сыбайлас жемқорлыққа қарсы күрес агенттігі қабылдаған болатын. Осы этика кодексі бойынша кез келген мемлекеттік қызметші өз діни сенімін ашық түрде көрсетпеуі тиіс. Одан басқа еңбек кодексі де бар. Еңбек кодексінде жұмыс уақытында кез келген жұмысшы немесе қызметші өз жұмыс орнында болуы керек. Сондықтан бұл жерде тек этика кодексі мен еңбек кодексін сақтау мәселесі. Бос уақытында ешкімге ешқандай шектеу қойылмайды. Бос уақытында немесе демалыс күнінде кез келген азамат кез келген діни мекемеге — мешіт болсын, шіркеу болсын еркін бара алады", — деді Ермекбаев үкіметте өткен баспасөз мәслихатында.

Бұл мәселе жаңа заң жобасы аясында әлі талқыланып жатыр. Министрдің айтуынша, жауапкершілік күшейтілуі мүмкін.

"Қазіргі заң жобасында бұл мәселеге байланысты түрлі пікірлер айтылып жатыр. Бірақ нақты шешім әлі қабылданған жоқ. Жауапкершілік күшейтілуі мүмкін", — деді Ермекбаев.

Дереккөз: sputniknews.kz

28 тамыз 2017, 21:11

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.