Индер трассасында үш адам өртеніп кетті

6 тамыздан 7-не қараған түні Атырау-Индер трассасының 165-ші шақырымында жеңіл «Мерседес» көлігі мен «МАЗ 54 4008» жүк көлігі соқтығысты. Оқиға салдарынан үш адам ажал құшты.

– Алдын-ала мәліметтер бойынша, «мерседес» қарсы жолаққа шығып кетіп, жүк көлігімен соқтығысқан. Жеңіл көлік тұтанып, жүргізуші мен екі жолаушысы тірілей өртеніп кеткен, - деп хабарлады Атырау облыстық ІІД баспасөз қызметі.

Ресми мәліметтерге сәйкес, «мерседес» Атырау облысы тұрғынының атына тіркелген. Алайда, апат кезінде көлік рөлінде кім болғанын және жеңіл көліктің жолаушылары кім екенін ІІД-дегілер сараптама нәтижелері алынғанға дейін хабарламайды.  

Зульфия ИСКАЛИЕВА