Қызылқоға ауданының Миялы ауылдық округінде 27 шілдеде 3 мың гектар жер өртенді. Өрт сөндірілді.
***
Атырау әкімшілік соты ҚР Әкімшілік құқықбұзушылық туралы кодекстің 434-бабы («Ұсақ бұзақылық») бойынша іс қарады. №4 бағытта жүретін автобус жүргізушісі М. «Абай алаңы» аялдамасының жанында жолаушылардың бірімен жанжалдасып, оған балағат сөздер айтқан. Сот қаулысымен М. кінәлі деп танылып, оған 22 690 теңге мөлшерінде айыппұл салынды.
***
Привокзальныйда 1 тамызда 5-қабаттың терезесінен бір жастағы сәби құлап кетті. Зақым алған сәби облыстық балалар ауруханасына жатқызылды.