Көлік апатында жүргінші зардап шекті

Атырау жолындағы екі көліктің соқтығысуы нәтижесінде кездейсоқ жаяу жүргіншіні аударылып қалған «Лада» көлігі жаншып тастады.

ІІД баспасөз қызметінің мәліметі бойынша, 17 шілдеде сағат 18.05-те Амандосов көшесінде орын алған жол-көлік оқиғасының жан түршігерлік бейнежазбасы месенджерлерге тез таралды. Ол жерде бір көлік солға қарай бұрылуға тырысуда, ал одан кейін келе жатқан көліктің оны басып озуға тырысқаны көрініп тұр.

Қатты соқтығыс салдарынан ол бүйірлеп аударылып түсіп, жол жиегінде кетіп бара жатқан адамды жаншып тастады. Осыдан кейін «Лада» тоқтап тұрған «Шевролет авео» көлігімен соқтығысып, оны екпінмен дәріхана ғимаратына қарай «лақтырып тастады».

1959 жылғы зардап шеккен жаяу жүргінші түрлі жарақаттармен облыстық аурухананың травматология бөлімшесіне жеткізілді. Оған «сол жақ сан жілігінің жабық сынығы» деген диагноз қойылды.

Осы факт бойынша іс жүргізу шешімі медициналық қорытындыдан кейін қабылданатын болады. 

Зульфия БАЙНЕКЕЕВА