Атырау, 23 шілде 03:40
Таңертең ашық+33, күндіз +35
ҚР Ұлттық банкінің валюта бағамы: $ 325.56  € 374.46  P 5.51

«Атырау» қатарынан үшінші рет жеңілді

17 шілде 10:44


15 шілдеде футболдан ел чемпионатының 20-турында «Атырау» қызылордалық «Қайсар» командасымен сырт алаңда ойнады.

Сергей ПАВЛОВТЫҢ жасағы ескі танысына қонаққа келді. Өткен жылдан бері «Қайсарға» «Атыраудың» бұрынғы бапкері Стойчо МЛАДЕНОВ басшылық етеді. Алайда көп кешікпей ойын басталғаннан кейін алаңда достықтың болмайтыны түсінікті болды. Алаң иелері қарсыластардың қақпа маңына еш қиындықсыз орнығып алды да, тегеурінді шабуыл жасады. Алғашқы минуттарда-ақ жылдамдыққа шыдай алмаған жартылай қорғаушы Алтынбек САПАРОВ жарақат алып, алаңнан кетті. Оның орнын  орталық қорғаушы Дәурен МӘЖИТОВ алмастыруға мәжбүр болды. Соған орай, Павловқа матч барысына қарай тактиканы өзгертуге тура келді. Бұл жаман болмады. Ақ-жасылдар ойынды өз қақпаларынан ығыстырып, екі-үш гол соғуға қолайлы сәттерге қол жетізді. Алайда гол салудың орнына, қапы қалды: 33-минутта бұрыштамадан шығарылған допты «Қайсар» қорғаушысы Иван ГРАФ қақпаға бағыттады.

Екінші таймда «Атырау» жақсы ойын көрсете алмады. Тек Әлішер СҮЛЕЙ шыққаннан кейін шабуыл анағұрлым көңілдірек бола бастады. Бірақ қонақтар есепті теңестіре алмады. Тек қосымша берілген уақытта тағы бір голды жіберіп алды: Қуаныш ҚАЛМҰРАТОВ өзінің айып алаңынан Франке ДЖЕДЖЕГЕ қарсы ереже бұзып, Матиас КУРЬОР пенальтиден гоп соқты. Нәтижесінде есеп: 0:2. Бұл біздің командамыздың үшінші жеңілісі. «Атырау» келесі матчын 23 шілдеде «Қайратпен» сырт алаңда ойнайды. 

Марат ТАКУЛИН

Нашли ошибку? Выделите её мышью и нажмите Ctrl + Enter.

295 рет қаралдыБасты бет

Тақырып бойынша жаңалықтар

Сергей Павловтың алғашқы жеңілісі  590 рет қаралды

«Атырау» үшінші рет қатарынан жеңіске жетті  820 рет қаралды

Тамаша ойнап, құр қол қайтты  525 рет қаралды

Сырт алаңда тең ойын – жаман бастама емес  558 рет қаралды

Басты бет

1 2 3 4 5 6 7