Атырау, 20 қазан 21:04
Түнде бұлтты+10, таңертең +10
ҚР Ұлттық банкінің валюта бағамы: $ 334.11  € 394.65  P 5.81

Прокуратура: Діни экстремизмнің алдын алу жұмыстарында кемшіліктер бар

19 мамыр 14:24

Фото: Азаттық
Қазақстанда діни экстремизм мен терроризмнің алдын алу бойынша мемлекеттік бағдарлама кейбір өңірлерде дұрыс атқарылмайды деп мәлімдеді бүгін бас прокурордың орынбасары Марат Ахметжанов.

Ақтөбеде діни экстремизм мен терроризмнің алдын алуды күшейту және осы саладағы заңнаманы жетілдіру шаралары жөнінде өтіп жатқан мәжілістің көшпелі отырысында сөйлеген Ахметжанов экстремизм мен терроризмге қарсы іс-қимыл мемлекеттік бағдарламасының орындалуында кемшіліктер барын айтты.

- Біз экстремизм мен терроризмге қарсы іс-қимыл мемлекеттік бағдарламасының орындалу сапасын тексердік. Бұл мақсатта қомақты қаржы қаржы бөлінеді. Жергілікті бюджеттің өзінен ғана 53 миллиард теңге бөлінген. Бірақ кейбір өңірлерде мемлекеттік сатып алу қызметінің жетілмеуінен қаржы дұрыс жұмсалмайды. Жымқыру пайда болған. Мысалы, Қарағанды облысында 2015 жылдың соңында Сирияға кеткен отбасы туралы видеоролик түсіру, "Хақ жолы" деп аталатын спектакль дайындау және "Дінді сақта деп аталатын шара өткізу туралы кесілім жасалған. Бірақ, келісім бойынша қаржы аударылғанымен, тапсырыс орындалмаған. Мұндай фактілер Ақмола, Жамбыл және Батыс Қазақстан облыстарында да анықталды, - деді Ахметжанов.

Ол кейбір облыстарда діни экстремизм мен терроризмнің алдын алу жұмыстарымен дін туралы түсінігі жоқ мамандардың айналысқанын, үкіметтік емес ұйымдардың радикалдық дін көзқарастағы адамды райынан қайтару әдіс-тәсілдері бірдей емесін айтты.

Жиынға парламент мәжілісінің депутаттатары, ҰҚК, прокуратура басшылары, құқық қорғау органдарының басшылары, діни ұйымдардың өкілдері қатысып жатыр.

Дереккөз: Азаттық

Нашли ошибку? Выделите её мышью и нажмите Ctrl + Enter.

579 рет қаралдыБасты бет

Тақырып бойынша жаңалықтар

Қазақстанда діни экстремизм мен терроризмге қарсы іс-қимыл жөніндегі 2013-2017 жылдарға арналған мемлекеттік бағдарлама бекітілді  8594 рет қаралды

АҚШ Украинаға қару-жарақ тасмалдау жоспарын құрды   399 рет қаралды

Журналистер күні. Вашингтон  786 рет қаралды

Министр: Салафизмге қарсы насихаттан оң нәтиже байқалады  631 рет қаралды

Басты бет

1 2 3 4 5