Атырау, 28 наурыз 22:51
 бұлттыВ Атырау +4
$ 449.58
€ 486.94
₽ 4.86

Ата-бабаларымыз сияқты прагматик болуымыз қажет - Президент

2 644 просмотра


Қазақстан халқы Ассамблеясының XXV сессиясында сөз сөйлеген Мемлекет басшысы Нұрсұлтан Назарбаев сананың жаңғыруына қатысты өз ойларын жеткізіп, болашақта Қазақстан азаматының қандай болатынын болжап көрді, деп хабарлайды ҚазАқпарат тілшісі.

Президенттің айтуынша, бүгінде мемлекет пен экономика ғана емес, адамның өзі де бәсекеге қабілетті болуы қажет. Ал бәсекеге қабілетті болу үшін тек компьютерлік сауаттылық ғана емес, тіл білімі де керек. 

«Сосын әлемде болып жатқан өзгерістерді қабылдау үшін, басқа халықтар мен мәдениеттерді түсіну үшін сананың ашықтығы қажет. Оған Қазақстан халқы Ассамблеясы үйрете алады. Сенің жаныңда отырған адамды сыйлау қажет, оның мәдениетін, әдет-ғұрпын, тілін құрметтеген жөн. Иә, ол адам саған ұнамауы мүмкін. Алайда осы шыдамдылықтың арқасында бір мемлекетті емес, тұтас әлемді сақтап қалуға болады. Ондай дәрежеге тек білімді адам ғана жете алады», - дейді Н.Назарбаев.

Президенттің айтуынша, бәсекеге қабілетті адам прагматик болуы тиіс. Қолынан келетін істі өндіргені дұрыс, нақты бір мақсатқа ұмтылғаны жөн. Осы орайда Мемлекет басшысы бұрынғы ата-бабаларымызды мысалға келтірді. 

«Біздің ата-бабаларымыз қара жұмыс істеді, мал бақты, етік тікті. Бәрін үнемді түрде жасады. Шикізатты үнемдеді. Олар нағыз прагматик болды. Қазіргі өмір соны талап етіп отыр. Болашақ Қазақстан азаматы үшін білім бірінші орында тұруы тиіс. Мен білемін, бүгінде біз, ата-аналар, өз балалармызға озық білім беруге тырысамыз. Ол өте дұрыс. Себебі алдағы өзгерістерге дайын болу қажет. Болашақта қазіргі мамандықтардың 50 проценті қажетсіз болады. Соның орнына роботтар келеді, 3D принтерлер жұмыс істейді. Қазақстан азаматтары сондай жағдайға бейімделіп, мамандықтарын ауыстыра білуі тиіс. Ондайда білім қажет болады», - деп атап көрсетті Елбасы. 

Дереккөз: ҚазАқпарат

26 сәуір 2017, 16:55

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.