Атырау спортшысы Универсиада алқасын иеленді

Бүгін, 6 ақпанда Атырау үшін ұлттық құраманың құрамында бақ сынаған коньки тебуші Денис НИКИША Универсиада-2017 додасында 500 метрлік қашықтықтағы шорт-тректе қола алқа иеленді (алтын - Ким До Кьюм, Оңтүстік Корея, күміс – Абзал Әжіғалиев, Қазақстан).

Облыстық дене шынықтыру және спорт басқармасындағылар хабарлағандай, Атырау үшін шорт-тректе тағы екі спортшы – Ким ЁНГ пен Ольга ТИХОНОВА өнер көрсетеді. Шорт-трек бойынша облыстың аға бапкері Петр ГАМИДОВ хабарлағандай, қыздар бүгін шорт-тректе 3000 метрге дейінгі эстафетада жартылай финал үшін жарысады. Финал ертең Алматы уақыты бойынша сағат 18-де өтеді.

Мұрат СҰЛТАНҒАЛИЕВ